Մասին

Կարեն Անտաշյան

Բանաստեղծ, գրող (ծնվ. փետրվարի 3, 1983, Վանաձոր, Լոռու մարզ):

Կենսագրություն


1999-2005 սովորել է Հայաստանի ճարտարագիտական համալսարանում: 2001-2004 Ակտիվորեն մասնակցել է Վանաձոր քաղաքում գործող «Մասրենի» մշակութային հաստատության նախաձեռնած պոեզիայի, երգի ու պարի ամենամյա փառատոնների կազմակերպմանը: 2004-2005թ ուսանողների իրավունքների պաշտպանությամբ զբաղվող «Հայ երիտասարդների ֆորում» հասարակական կազմակերպությունում աշխատել է իբրև ծրագրերի ղեկավար և ՀԿ-ի հրատարակած «Ուսանողի ձայն» ամսագրի խմբագրական խորհրդի անդամ: 2005-2007-ը ծառայել է Հայկական բանակում: 2009-ին հիմնադրել է Granish.org գրական կայքը, որրի գլխավոր նպատակը արդի հայ գրողների և գրականության հանրահռչակումն է: Ներկայումս այն հայ ժամանակակից գրականության ամենաընդգրկուն և ամենաընթերցվող հավաքածուն է ցանցում: 2011-ին գրող և գրաքննադատ ընկերների հետ հիմնադրել է «Գրանիշ» գրական հանդեսը, որ հրատարակում է գրական-գեղարվեստական կամ հանրային հնչեղություն ունեցող որևէ թեմայի շուրջ գոյացող թեմատիկ համարներ: 2013-ից Բուն TV հիմնադրամի հոգաբարձուների խորհրդի անդամ է: Մի շարք գրական ինտերնետային նախագծերի հեղինակ է:

 

Հրատարակված բանաստեղծական գրքերը՝


«Ծիլի-Ծով. գիրք հմայության», բանաստեղծություններ, Անտարես, 2014թ.
«Անտաշատ», բանաստեղծություններ, Ինքնահրատարակություն, 2009թ.
«Վերջից հետո, Սկզբից առաջ», ՀԳՄ հրատարակչություն, 2004թ.

 

Մասնակցել է մի շարք միջազգային գրական-մշակութային ձեռնարկների


 

Գրական նախագծեր 


  • Գրանիշ գրական համայնք
  • Granish Armenian literature in English translation
  • Այլերեն հայերեն սայթաքումների բառարան
  • e-books.am հայերեն էլ-գրքերի անվճար դպրոցական գրադարան
  • Արձակ տարվա լավագույն պատմվածքների մրցույթ

 

Բանաստեղծությունները թարգմանվել են՝


Անգլերեն, ֆրանսերեն, իսպաներեն, ռուսերեն, ռումիներեն, լեհերեն

Բանաստեղծությունների հրապարակումը տպագիր և առցանց մամուլում


Գրանիշ գրական հանդես, Հայկական Ժամանակ օրաթերթ, NewMag ամսագիր, Megapolis ամսագիր, Նարցիս գրական-գեղարվեստական, մշակութային ամսագիր, Юность գրական-գեղարվեստական ամասգիր (ՌԴ), Գրական թերթ, ՀԳՄ պաշտոնաթերթ, Գրեթերթ, ՀԳՄ գրական-երիտասարդական թերթ, Եղիցի Լույս ԼՂՀ գրողների միության թերթ, Ուսանողի ձայն ուսանողական ամսագիր, Ապագա մանկավարժ ՎՊՄԻ պարբերական

Մրցանակներ և պարգևներ


Ինքնագիր գրական ակումբի ժյուրիի հատուկ մրցանակ «Ականջներդ կկտրեմ» պատմվածքի համար, 2010թ.
Գրեթերթի 2008 թվականի պոեզիայի մրցանակ «Բերքի տոն» բանաստեղծական շարքի համար:
Հակոբ Կարապենցի անվան պարգև «մամուլում տպագրված բանաստեղծական շարքի համար», 2008թ.

Ինքնանկար


«Բանվորությունից պարապ ժամերին ես կանաչավուն ձախ սոցիալիստ եմ` համընդհանուր փոխազդեցությունների տեսություն և բանաստեղծություններ հորինելու անհաղթահարելի մարմաջով»:

Share Button