Լոն երեկ ասեց, որ պատռել է
ձմեռ պապին գրված նամակը,
քանի որ ձմեռ պապ չկա։
Երկու ախպեր ամբողջ տարին
սրտատրոփ գրում էին այդ նամակը,
գրում՝ զմռսում, բացում՝ խմբագրում,
փակում նորից, էլի բացում՝ փոխում,
քանի ժամանակ կար մինչ նոր տարին,
տարվա հետ նրանց սպասումներն էլ
փոխվում, մեծանում էին մի տեսակ
ու հիմա․․․ նամակը պատռված է:
Օք, ախպերներ, ուրեմն ես էլ
ամազոնի վեյթինգ լիստից հանեմ
«ձմեռ պապի» նվերը – էս կյանքում
իր գտած ճշմարտության համար
ամեն մեկն իր գրպանից պիտի վճարի:
