Նոր տարին գալիս է,
երբ ծառերս ծաղկում են,
իսկ հիմա` էնքան որ,
պարապության վրա փայլփլուկներ,
զրթզրթիկներ, սրսռիկներ,
լույսլույսիկներ ու շողշողիկներ կախելով
երկար սպասումի միջօրեն
տանելի դարձնելու ծիսակարգերն են –
միայն թե, ախպոր պես,
եթե ի սրտե չի հավատացվում՝
մի հավատացեք,
եթե ի սրտե չի ապրցվում՝
էհ, մի ապրեք,
ու եթե մի թավուր չի հյուրընկալվում՝
մի հյուրընկալեք, էլի,
պղպջակներով ու պլպելանքով,
շամպայնով ու փոռիկներով
մեյք ափ արած ձանձրույթը,
հարգելի սեղանակիցներ։
