Ականջներիդ օղ արեք,
հետո, չասեք, թե չեմ ասել –
այ կապրենք՝ կտեսնենք,
որ լինելու է անխուսափելին,
այո, ծանր են իրականության դասերը,
իսկ ո՞վ է խոստացել, որ հեշտ է լինելու,
ուստի մենք պարտավոր ենք օր առաջ
գիտակցել, գալ այդ գիտակցումին,
որ ի վերջո ունենք այն, ինչ ունենք,
ուստի մեզնից յուրաքանչյուրը
պետք է անի ամեն ինչ,
ամենայն հնարավորն ու անհնարինը,
որ կատարվի այդ անխուսափելին․
չեմ մանրամասնում՝
հասկացողները կհասկանան,
իսկ չհասկացողները,
դեռ շատ հաց ու պանիր պիտի ուտեն։
(տարածելը խրախուսվում է)
