Երեկ подопытный ընկերների հետ փորձարկեցինք «Սառը թուշ» սիդրի մեր առաջին էքսպերիմենտալ խմբաքանակը )) Հաշվի առնելով պատրաստման համար օգտագործված բացառապես տանը հասու միջոցները, այն լրիվ բավարարում էր հաճելի ու հետաքրքիր ոգելից ըմպելիք համարվելու բոլոր ակնկալիքներին, դե իսկ առողջարարության իմաստով թեմա իսկ չկա։ Թթվաշ խնձորի, սերկեֆիլի, շլորի հոտերով ու համերով, մեղրի հեռահար նոտայով, թեթև գազիկներով, բաց խակի ու մեղրագույն երանգով, սկզբից զովացնող ու թարմացնող էֆեկտով, հետո դոբռի արբեցնող ըմպելիք՝ պատրաստված 100% խնձորի հյութից (սեմերենկո, այդորեդ, գոլդեն) ու մի չնչին մեղրից։ Պատրաստաման ընթացքւոմ օգտագործվել է մանկական աշխատանք և խանդավառություն ))
1․ Սիդրի համար հատուկ խնձորի սորտեր կան, բայց դրանք աճում են Նորմանդիայում, դրա համար օգտագործում ենք տեղական սորտերը, բնականաբար սեղանի սորտերից էդքան խորը համային երանգներ չենք կարող ստանալ, բայց մեկ է, ահագին հետաքրքիր արդյունք կարող ենք ակնկալել։ Ես օգտագործել եմ հավասարաչափ սեմերենկո՝ թթվաշության համար, գոլդեն՝ քաղցրության համար և այդորեդ՝ ծաղկային բույրի համար։ ։ 25 կգ խնձորից հյութաքամիչով մոտ 10 լ հյութ է ստացվում։
2․ Եթե ուզում եք վայրի խմորում անել (ինչը խորհուրդ չեմ տա) ՝ պետք չի շատ լավ լվանալ, հակառակ դեպքում պետք է շաաատ լավ լվանալ, կտրտել, հանել կորիզները, քանի որ մենք խոհանոցային հյութաքամիչով էինք հանելու հյութը։ Արտադրական մամլիչի դեպքում միջուկներն ու կորիզները հանելն ավելորդ է։
3․ Բացի հյութերը հանելը մի հատ էլ մաղով ենք անց կացնում ճզմվածքը, որ հնարավորինս մաքրվի մեխանիկական մնացորդներից ու լցնում ենք որևէ իներտ տարայի մեջ, որը հնարավոր է հետո հերմետիկ փակել։ Մեր դեպքում՝ 10 լիտրանոց գազն շտոպ։
4․ Քանի որ վայրի խմորման ձևով մի անգամ արդեն փչացրել էի հումքը, էս անգամ օգտագործեցի հատուկ սիդրի համար նախատեսված խմորիչ սնկեր՝ ֆրանսիական արտադրության SafCider TF-6, էս կոնկրետ տեսակի սնկերը խոստանում են մրգային երանգներ է ավելցնել խմիչքին, 10 լիտրին մի 1,5 գր․ ընդամենը։
5․ Անպայման տարան փակում ենք հիդրոփականով, որ խմորման արդյունքում առաջացող ածխաթթու գազը դուրս գա, բայց թթվածնի հոսք դեպի ներս չլինի։
6․Մութ, սառը տեղ (15-25 °C) հյութը խմորվում է 14-20 օր։ Շատ հետաքրքիր է հետևել թե հյութի հոսանքները ոնց են պարում տարայի մեջ։ Խմորման ավարտից հետո նստվածք է մնում տարայի տակ։ Խմորման ավարտի մասին կռահում ենք, երբ գազի պղպջակները դադարում են հիդրոփականից դուրս գալ։
7․ Հաջորդ գործողոությունը պարտադիր չէ տնական սիդրի համար, բայց ես արել եմ ու շատ գոհ եմ։ 10 լիտրին 15 գր բենտոնիտ ենք խառնում՝ այն նախապես ջրում լուծելուց ու մի օր թողնելուց հետո։ Մի քանի օրում ավելի թանձր նստվածք է նստում ու հյութը էականորեն վճիտանում է։
8․ Ստերիլ խողովակով շատ զգուշ, որ նստվածքին չանհանգստացնենք՝ քամում ենք հյութը։ Հաջորդ՝ կարբոնացման էտապի համար խառնում ենք ջրի մեջ լիարժեք լուծված 75 գր մեղր, կարող է լինել դեքստրոզա, այսինքն որևէ քաղցր բան՝ խմորիչ սնկերին կերակրելու համար։ Տեսականորեն հնարավոր է նաև շաքար, բայց փորձեք խուսափել դրանից։ Քան որ բենտոնիտը սպանում է եղած սնկերին, մի քիչ էլ ենք ավելցնում սնկեր մեղրաջրի հետ։
9․ Շշալցնում ենք ստերիլացված շշերում, հերմետիկ փակում ու թողնում սենյակային՝ 20-22 °C տեղ ևս 14 օր, որ կարբոնացվի, այսինքն մեղրի շաքարն ուտելով սնկերը ածխաթթու գազ արտադրեն, որը կմնա շշերում ու բացելիս հետաքրքիր տեքստուրա կտա խմիչքին։ Շաքարը չարժե չարաշահել, այլապես գազի մեծ քանակությունը կարող է պայթեցնել շիշը։
10․ Այս փուլից հետո արդեն պաղ տեղ 10-14 °C շշերը հանգստանում ու հասունանում են ևս 15-30 օր։
11․ Շշերը նախընտրելի է պահել սառը տեղ, խմելուց մի քանի ժամ առաջ դնել սառնարան 5-7 °C:
