Հայտարարություն

Երիտասարդ գրողների 10-րդ համաժողովի մասնակիցների հայտարարությունը Կեչառիս վանական համալիրի հարևանությամբ կառուցվող ռեստորանային համալիրի շինարարության վերաբերյալ

Կեչառիսի վանքային համալիրը միջնադարյան Հայաստանի նշանավոր կրոնական ու մշակութային կենտրոններից էր: Կեչառիսում ապրել և գործել են ժամանակի խոշոր գիտնականներ ու քաղաքական գործիչներ Գրիգոր Մագիստրոսը, Վասակ Խաղբակյանը, Խաչատուր Կեչառեցին և ուրիշներ։ Կեչառիսից 120 մ հեռու կանգուն է Ս. Հարություն փոքրիկ եկեղեցին, որը կառուցվել է 1220թ.-ին։ Արևմտյան ճակատին կից գավիթը եկեղեցու հորինվածքի հետ արտաքինից մի ամբողջություն է կազմում։
Եվ այս պատմամշկութային երկու արժեքների միջև ներկայումս կառուցվում է ժամանցային համալիր, որն ակնհայտորեն արժեզրկում է մշակութային համալիրի պատմական նշանակությունը և կարող է իր գործունեությամբ բացասական ազդեցություն ունենալ տարածքի ընդհանուր հոգևոր և բարոյական միջավայրի վրա: Մեր շրջայցի ժամանակ հավանաբար մասամբ գործող կիսակառույց հաստատությունից արդեն իսկ հնչում էր հայալեզու մուղամ:
Մենք` համաժողովի մասնակից գրողներս, մեր քաղաքացիական պարտքն ենք համարում մեր դժգոհությունն ու վրդովմունքը հայտնելու վերոնշյալ տարածքում կատարվող շինարարության դեմ: Պահանջում ենք դադարեցնել շինարարությունը և պատկան մարմիններից ակնկալում ենք հետևողականություն նշյալ տարածքում ցանկացած տեսակի շինարարության օրինականացման և իրագործման հարցում:

Դիմում ենք`

Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ին
ՀՀ վարչապետին
ՀՀ մշակույթի նախարարին
Կոտայքի մարզպետին
Ծաղկաձորի քաղաքապետին

Տեքստը հրապարակելու դեպքում` լուսանկարները կարելի է օգտագործել առանց որևէ սահմանափակման

Share Button

1 Comment

  • Nineshnee pravitelstvo Armenii odno iz samikh schastlivikh, t.k. emu neobkhodimo reshit´ vsego lish´ odnu, stoyashuyu pered ney sverkh-zadachu : maksimal´noe narashivanie lichnogo kapitala chlenov pravitel´stva v period ikh pralleniya. … Nu a chto katalikos sdelaet? On odin iz nikh . …U etikh kaznokradov odin lish bog – Ego velichestvo D E N ´G I .

Leave a Reply

Your email address will not be published. Required fields are marked *